თერჯოლის მუნიციპალიტეტში მომხდარი ავტოსაგზაო შემთხვევის შედეგად, ერთი ადამიანი დაიღუპა, ორი კი დაშავდა.
შემთხვევა, ცოტა ხნის წინ, სოფელ სიმონეთთან მოხდა.

არსებული ინფორმაციით, ერთმანეთს ორი ავტომობილი შეეჯახა.

როგორც შსს-ს პრესსამსახურში განმარტავენ, მომხდარზე გამოძიება სსკ-ის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.