გარემოს ეროვნული სააგენტოს მოკლევადიანი პროგნოზების სამმართველოს უფროსის დოდო გვაზავას ინფორმაციით, მიმდინარე კვირას, დასავლეთ საქართველოში, უმეტესად, უნალექო ამინდებია მოსალოდნელი.
მისივე თქმით, უნალექო ამინდები 29 იანვრიდან 2 თებერვლის დღის პირველ ნახევრამდე გაგრძელდება. 30-31 იანვარს და 1 თებერვალს კი ღამით ყინვები მოიმატებს.

„იმერეთის რეგიონის დაბლობ რაიონებში შესაძლებელია იყოს ყინვა -3-დან -1 გრადუსამდე. მთიანში- -5, -10, მაღალმთაში- -8, -13. დღის განმავლობაში ჰაერი გათბება მზის ხარჯზე. ჰაერის მაქსიმალური ტემპერატურა 30 იანვარს 12 გრადუსი დაფიქსირდება. 31 იანვარს და 1 თებერვალს კი ისევ დაიკლებს 9 გრადუსამდე“,- განმარტავს დოდო გვაზავა.

მისივე თქმით, კვირის ბოლოს კვლავ წვიმიანი ამინდია მოსალოდნელი, მაღალმთაში კი - თოვლი. ნალექიანი ამინდი, შესაძლოა, 5-6 თებერვლამდე გაგრძელდეს.