გარემოს ეროვნული სააგენტოს მოკლევადიანი პროგნოზების სამმართველოს უფროსის დოდო გვაზავას ინფორმაციით, დასავლეთ საქართველოში 16 იანვრის ჩათვლით უნალექო ამინდი შენარჩუნდება.
ზოგიერთ რაიონში იქროლებს აღმოსავლეთის ქარი.

დღეს, 15 იანვარს, ღამით დაბლობ რაიონებში -1 გრადუსი ყინვა დაფიქსირდება, მთიან რაიონებში - -3,-8 გრადუსი, ხოლო მაღალმთიან რაიონებში ჰაერის ტემპერატურა -17 გრადუსამდე დაიკლებს.

16 იანვარს ტემპერატურა მოიმატებს. დღისით კოლხეთის დაბლობში ჰაერი 12-14 გრადუსამდე გათბება.

ამინდი 17 იანვრიდან შეიცვლება. 17-18 იანვარს დილის საათებში დაბლობ რაიონებში მოსალოდნელია წვიმა, მაღალმთიანში - თოვლი.

17 იანვარს, დღის საათებში ტემპერატურა 9,10 გრადუსი იქნება, ღამით -2, -6 გრადუსამდე დაიკლებს.

18 იანვარს შედარებით უნალექო ამინდია მოსალოდნელი. ღამის საათებში შესაძლოა სუსტი თოვა. იქროლებს აღმოსავლეთის ქარი. შედარებით უნალექო ამინდები 20 იანვრის ჩათვლით შენარჩუნდება.