ძლიერი წვიმისა და ქარის მიუხედავად, ქუთაისში, დღეს დაგეგმილი წინასაახალწლო ღონისძიების გადადგება არ იგეგმება.

ამის შესახებ მერიის პრესსამსახურში განგვიმარტეს.

მათივე ინფორმაციით, დღეს, 20:00 საათზე აინთება ქალაქის მთავარი ნაძვის ხეც.

გაიმართება "ღამის შოუს ბენდის" კონცერტი. საღამო კი რომელსაც მსახიობი კახა მიქიაშვილი წაიყვანს, 21:00 საათზე, ფოიერვერკით დასრულდება.

ქუთაისში, დღეს დაგეგნილი საახალწლო ღონისძიების მომსახურების ღირებულება 200 000 ლარს შეადგენს.

მთავრობის ინიციატივითა და მხარდაჭერით, პროექტის - "ახალი წლის დღეები საქართველოში" ორგანიზების ფარგლებში, საახალწლო ღონისძიებები საქართველოს ყველა (62-ვე) მუნიციპალიტეტში ჩატარდება.