ორი კონკურის შედეგად ადგილობრივ თვითმმართველობაში 23 ვაკანტური ადგილი შეივსო

ქუთაისის მერიამ ორ ააიპი დააწესებულებაში ჩატარებული კონკურსის შედეგები გამოაქვეყნა. მერიის კულტურულ, სახელოვნებო და საგანმანათლებლო ააიპში გასაუბრების ტური წარმატებით გაიარა 9 კონკურსანტმა. მათგან 6–მა სპეციალისტის პოსტი დაიკავა. კონკურსის შედეგად ასევე შეივსო ბუღალტრის, იურისტისა და მმართველის მოადგილის პოსტები.

რაც შეეხება სპორტულ დაწესებულებათა გაერთიანებას, მესამე–გასაუბრების ტური 14–მა კონკურსანტმა გადალახა. კონკურსის შედეგად, დაწესებულებაში სპეციალისტის  7 ვაკანტური პოსტი შეივსო. გაერთიანებას ასევე ეყოლება მენეჯერი, მმართველის მოადგილე, საქმისმწარმოებელი, ბუღალტერი, ადმინისტრაციის, მონიტორინგისა და საქალაქო ღონისძიებების მართვის განყოფილების უფროსები.