გარემოს ეროვნული სააგენტოს მოკლევადიანი პროგნოზების განყოფილების უფროსის დოდო გვაზავას ინფორმაციით, მიმდინარე კვირას, დასავლეთ საქართველოში, დროგამოშვებით ნალექიანი ამინდია მოსალოდნელი.
მისივე თქმით, დღეს, 4 დეკემბერს, მზიანი ამინდი შენარჩუნდება. 5-6 დეკემბერს კი მოსალოდნელია ცივი ჰაერის მასების შემოსვლა და დროგამოშვებით ხანმოკლე წვიმა, მაღალმთაში კი - თოვლი.

"6-ში შედარებით გამოიდარებს, თუმცა მოსალოდნელია ცვალებადი მიმართულების ქარი. 7 დეკემბერს, საღამოდან, მთელი დღის განმავლობაში იქნება წვიმა, გრილი ამინდი, რომელიც შენარჩუნდება 9-10 დეკემბერსაც", - ამბობს დოდო გვაზავა.

მისივე ინფორმაციით, მიმდინარე კვირაში, იმერეთში, ჰაერის მაქსიმალური ტემპერატურა 14-16 გრადუსის ფარგლებში დაფიქსირდება.