გარემოს ეროვნული სააგენტოს ინფორმაციით, 21 და 22 აგვისტოს, უმეტესად დღის მეორე ნახევრიდან, საქართველოს ტერიტორიაზე ნალექიანი ამინდია მოსალოდნელი.

სინოპტიკოსები, განსაკუთრებით მთიან და მაღალმთიან რაიონებში, ხანმოკლე წვიმას, ზოგან ძლიერს, ელჭექს, სეტყვასა და ქარს პროგნოზირებენ.

როგორც სააგენტოში აცხადებენ, მოსალოდნელმა ძლიერმა წვიმებმა საქართველოს მდინარეებზე შესაძლებელია წყლის დონეების მნიშვნელოვანი მატება, პატარა მდინარეებზე წყალმოვარდნები, მთიან ზონებში კი მეწყრულ-ღვარცოფული პროცესების ჩასახვა - გააქტიურება გამოიწვიოს.