ქუთაისში მუსიკის კრიტიკოსებთან შეხვედრა გაიმართება

მუსიკის კრიტიკოსები ლაშა გაბუნია და გია ხადური ისაუბრებენ თანამედროვე ქართულ მუსიკაზე 1990-იანების ქუთაისში, რა მუსიკალური ხმები ისმოდა ქალაქში, როგორი იყო მისი კულტურული და სოციალური, ლოკალური და ფართო მნიშვნელობა, როგორ წავიკითხოთ მუსიკალური გზავნილი დღეს.

„ვილაპარაკებთ 1990-იანი წლების ქუთაისის მუსიკაზე, მის გავლენაზე ზოგადად ქართულ მუსიკასა და კიდევ სხვა საინტერესო მუსიკალურ თემებზე, რაც ჩვენს ქალაქთანაა დაკავშირებული“, - აღნიშნავს ღონსიძიების ერთ-ერთი მონაწილე ლაშა გაბუნია. 

ღონისძიების ადგილი ვერიკო ანჯაფარიძის სკვერი (იგივე "სიყვარულის ბაღი") იქნება.

დასაწყისი 20:00 საათზე.