ტყიბულის სოფელ გელათში, განსაკუთრებული სისასტიკით ჩადენილ მკვლელობაში ბრალდებულები ნაფიცმა მსჯულებმა დამნაშავედ ცნეს.

მათ 18-18 წლით თავისუფლების აღკვეთა მიესაჯათ.

„ნაფიცი მსაჯულები, საქმის გარემოებებისა და მტკიცებულებების დეტალურად შესწავლის შემდეგ, დარწმუნდნენ პროკურატურის პოზიციის მართებულობაში და ბრალდებულები ჯგუფურად, განსაკუთრებული სისასტიკით ჩადენილ განზრახ მკვლელობაში, ერთხმად ცნეს დამნაშავედ“, - აღნიშნულია საქართველოს პროკურატურის განცხადებაში.

მკვლელობა გასული წლის აგვისტოში მოხდა. სოფელ გელათში, ურთიერთშელაპარაკებისას, ბრალდებულებმა დაზარალებულს, მისი ორი მცირეწლოვანი შვილის თანდასწრებით, სხეულის სხვადასხვა არეში დანით ჭრილობები მიაყენეს.

მიღებული დაზიანებების შედეგად დაზარალებული გარდაიცვალა.