ქუთაისში, ზ. გამსახურდიას ქუჩაზე, საგზაო სარეაბილიტაციო სამუშაოების გამო, ი.ჭავჭავაძის ქუჩის კვეთიდან ჟ. შარტავას ქუჩის კვეთამდე, ნებისმიერი ტიპის ტრანსპორტის მოძრაობა დროებით შეწყდება.

ქუთაისის სატრანსპორტო კომპანიის ინფორმაციით, იცვლება საზოგადოებრივი ტრანსპორტის სქემაც:

N1R, N1L ავტობუსები ჭავჭავაძის გამზირიდან ქალაქის ცენტრის მიმართულებით იმოძრავებენ 9 აპრილის, ი. აბაშიძის, რუსთაველის გამზირის გავლით.

N20, N10 ავტობუსები ჭავჭავაძის გამზირიდან ქალაქის ცენტრის მიმართულებით იმოძრავებენ 9 აპრილის, ი. აბაშიძის, ჟ. შარტავას და ზ.გამსახურდიას ქუჩების გავლით.

N31-ჭავჭავაძის გამზირიდან იმოძრავებს 9აპრილის, ი.აბაშიძის, რუსთაველის გამზირიდან, მ. ჯავახიშვილის ქუჩის მიმართულებით.

ხოლო ქალაქის ცენტრიდან ი.ჭავჭავაძის გამზირის მიმართულებით, ჟ.შარტავას, ი. აბაშიძისა და 9 აპრილის ქუჩის გავლით.

N126 მიკროავტობუსი ი. ჭავჭავაძის გამზირიდან, ორივე მიმართულებით იმოძრავებს 9 აპრილის ქუჩის გავლით. 

ზ. გამსახურდიას გამზირის საგზაო ინფრასტრუქტურის რეაბილიტაციისთვის 5 მილიონამდე ლარი დაიხარჯება. კეთილმოწყობის სამუშაოებს შ.პ.ს ,,გზამშენი XXI" ახორციელებს. სამუშაოები 2023 წლის 20 სექტემბერს უნდა დასრულდეს.