ქუთაისის მერიას ელექტროავტომობილების სამუხტი აპარატების მოწყობაზე გამოცხადებული ტენდერი ჩაეშალა.

სახელმწიფო შესყიდვით არც ერთი პრეტენდენტი არ დაინტერესდა.

სატენდერო დოკუმენტაციის მიხედვით, მიმწოდებელს ელექტრომობილების ექსპლუატაციისა და პოპულარიზაციისათვის, აღმაშენებლის მოედანსა (სვეტებთან) და ფანჯიკიძის ქუჩაზე 2-2 ერთეული ელექტროავტომობილების სამუხტი აპარატების მოწყობა ევალებოდა.

ამ მიზნით ადგილობრივ თვითმმართველობას 55 395 ლარის ღირებულების ტენდერი [NAT230006808] ჰქონდა გამოცხადებული.

წინადადების მიღება 4 აპრილს დასრულდა.