ქუთაისის მერია, გაზრდილი თანხის მიუხედავად, მეოთხე თვეა ვერ ახერხებს კომპანიების დაინტერესებას, რომლებიც პასუხისმგებლობას აიღებენ სამუსიკო სკოლის კეთილმოწყობის სამუშაოების შესასრულებლად.

ამიტომ, ადგილობრივი თვითმმართველობა იძულებულია, მეოთხედ გამოაცხადოს ტენდერი [NAT230005440] ზემოთხსენებული სამუშაოების შესასყიდად. აღნიშნულისთვის 1 295 956 ლარია გამოყოფილი, რაც მეორედ გამოცხადებულ სატენდერო ფასთან შედარებით 194 830 ლარით მეტია.

ამ ეტაპზე სამუშაოები სკოლაში მიტოვებულია. ობიექტის კეთილმოწყობა თავდაპირველად (გასულ წელს)  1 მილიონ 583 866 ლარის სანაცვლოდ, მერიამ შპს "მშენებელჯგუფს" ანდო, რომელიც 7 პრეტენდენტს შორის შეირჩა.

განახლება და სტანდარტების შესაბამისად შენობის ფასადის მოწყობა, ინტერიერი, სახურავი, სველი წერტილები, განათების და გათბობის სისტემა, საკონცერტო და საგამოფენო სივრცეები, სამეცადინო ოთახები - კომპანიას ოთხსართულიანი შენობის სრული რეაბილიტაციის დასრულება 7 თვეში დაევალა. საბოლოოდ, მხარეებს შორის თანამშრომლობა ჯარიმით და ხელშეკრულების გაწყვეტით დასრულდა.

სამუსიკო სკოლის რეაბილიტაციის პროექტი რეგიონული განვითარების ფონდის მიერაა დაფინანსებული. მისი  რეკონსტრუქია ერთ-ერთია იმ ინფრასტრუქტურულ პროექტებს შორის, რომლითაც ადგილობრივ თვითმმართველობაში თავს იწონებდნენ.


ამავე თემაზე:

ჩავარდნილი და გადავადებული ინფრასტრუქტურული პროექტები ქუთაისში

მესამე ტენდერი და სამუსიკო სკოლის შეჩერებული რეაბილიტაცია

ქუთაისის ცენტრალური სამუსიკო სკოლის რეკონსტრუქციისთვის მერია ტენდერს თავიდან აცხადებს

გაუქმებული ხელშეკრულება და სამუსიკო სკოლის შეჩერებული რეაბილიტაცია