ქალაქის ცენტრალურ მოედანზე საახალწლო განწყობა უკვე იგრძნობა.

მესხიშვილის თეატრის მიმდებარე ტერიტორიაზე საშობაო ბაზრობისთვის ხის საახალწლო სახლებია განთავსებული. სწორედ აქ გაიმართება ადგილობრივი ნაწარმისა და ხელნაკეთი ნივთების გამოფენა-გაყიდვა. მოქალაქეები გლინტვეინს, ცხელ შოკოლადსა და დარიჩინის ორცხობილებს დააგემოვნებენ.

ცენტრალურ მოედაზე უკვე მოწყობილია საბავშვო გასართობი სივრცეებიც.

საზეიმო ღონისძიებები დღეს 15:00 საათიდან დაიწყება. 20:00 საათზე კი ახალი 16 მეტრიანი ნაძვის ხე საზეიმოდ აინთება. ღონისძიებას ჯგუფი “New One” საზეიმო ფოიერვერკის თანხლებით დაასრულებს.

24 დეკემბრის საახალწლო პროგრამა:

15:00-20:00 - საშობაო ბაზრობა: ადგილობრივი ნაწარმის, ხელნაკეთი ნივთების გამოფენა-გაყიდვა, გლინტვეინი, დარიჩინის ორცხობილა, ცხელი შოკოლადი;

15:00-20:00 - საბავშვო სივრცე: საახალწლო სათამაშოების დამზადების შესწავლა, თამაშები, სახის მოხატვა, ზღაპრის გმირები, თოვლის ბაბუა და საჩუქრები;

15:00-20:00 - ზღაპრის გმირების საზეიმო მსვლელობა, ბავშვების შეხვედრა თოვლის ბაბუასთან;

16:00-17:30 - ადგილობრივი შემსრულებლების საბავშვო კონცერტი;

18:30-19:20 - ნიკო ქაჯაია;

20:00 - მთავარი ნაძვის ხის საზეიმო ანთება;

20:15-21:00 - ჯგუფი “New One”;

21:00 - საზეიმო ფოიერვერკი;

წინასაახალწლო ღონისძიებების გამო ქუთაისის ცენტრალური მოედანი ნაწილობრივ გადაკეტილია. შესაბამისად, შეცვლილია ტრანსპორტის სვლა-გეზი.

სადღესასწაულო ღონისძიებები 24 დეკემბრიდან 14 იანვრის ჩათვლით მთელი ქვეყნის მასშტაბით გაიმართება.