21 დეკემბრიდან 26 დეკემბრამდე დასავლეთ საქართველოში შედარებით თბილი და უმეტესად უნალექო ამინდია მოსალოდნელი. 
გარემოს ეროვნული სააგენტოს ცნობით, ჰაერის ტემპერატურა, დღისით, დაბლობ რაიონებში +11, +16 გრადუსამდე მოიმატებს. ზოგან იქროლებს აღმოსავლეთის მიმართულების ძლიერი ქარი.

21 დეკემბერს აღმოსავლეთ საქართველოში შედარებით ცივი, ღრუბლიანი, ნისლიანი და ნალექიანი ამინდია (უმეტესად თოვლის სახით) მოსალოდნელი.

ჰაერის ტემპერატურა ბარში დღისით +1, +6 გრადუსი დაფიქსირდება. 22 დეკემბრიდან 26 დეკემბრამდე უმეტესად უნალექო ამინდი იქნება. ჰაერის ტემპერატურა +4, +9 გრადუსამდე მოიმატებს.

22 დეკემბრიდან 26 დეკემბრამდე უნალექო ამინდი იქნება. ჰაერის ტემპერატურა დღის საათებში +7, +9 გრადუსამდე მოიმატებს.