ევროპარლამენტის პოლიტიკური ჯგუფები შეთანხმდნენ რეზოლუციის პროექტის ტექსტზე, რომელიც რუსეთის ფედერაციის ტერორიზმის მხარდამჭერ სახელმწიფო აღიარებას ითვალისწინებს.
„ევროპარლამენტის პოლიტიკურ ჯგუფებს შორის ოთხსაათიანი მოლაპარაკების შემდეგ, ტექსტზე შეთანხმებას მიაღწიეს“, - წერს ევროპარლამენტის წევრი ანდრიუს კუბილიუსი „ტვიტერზე“.

მისი ინფორმაციით, რეზოლუციის პროექტის მთავარი პუნქტი აღნიშნულია:

„ევროპარლამენტი აღიარებს რუსეთს ტერორიზმის სპონსორ სახელმწიფოდ და სახელმწიფოდ, რომელიც იყენებს ტერორისტულ საშუალებებს“, - წერს კუბილიუსი.

ევროპარლამენტის მომდევნო სხდომა სტრასბურგში 21-24 ნოემბერს გაიმართება.