ქუთაისში, ფალიაშვილის ქუჩის რეაბილიტაციის ძირითადი სამუშაოები დასრულდა.
10 სექტემბრიდან ფალიაშვილის ქუჩაზე მოძრაობა აღდგება ყველა ტიპის სატრანსპორტო საშუალებისთვის.

ქუთაისის მერიის ინფორმაციით, ამ ქუჩაზე მოძრავი საზოგადოებრივი ტრანსპორტი თავიანთ სვლა-გეზებს დაუბრუნდება და კვლავ დადგენილი განრიგით იმოძრავებს.

"ავტობუსები და მიკროავტობუსები გავლენ წითელი ხიდის მიმდებარე ტერიტორიიდან.
რუსთაველის გამზირზე, ტურიზმის ცენტრიდან მერიამდე მონაკვეთზე, ისევ აღდგება ცალმხრივი მოძრაობა", - ნათქვამია ინფორმაციაში.


ფალიაშვილის ქუჩაზე სარეაბილიტაციო სამუშაოების გამო გზა ერთი თვეა ჩაკეტილია.