H1N1 ე.წ. "ღორის გრიპი" ეს ის ტერმინებია, რომლებიც მოსახლეობაში პანიკას იწვევს

- რა ტიპის ვირუსული ინექციები, გრიპი დაფიქსირდა ქუთაისის ინფექციურ საავადმყოფოში და არის, თუ არა H1N1 ვირუსის შემთხვევა მიმდინარე წელს?
- H1N1 გნებავთ ე.წ. "ღორის გრიპი" ეს ის ტერმინებია, რომლებიც მოსახლეობაში პანიკას იწვევს. მინდა ვთქვა, რომ ქუთაისის ინფექციურ საავადმყოფოში H1N1 ვირუსის შემთხვევა ამ დრომდე არ დაფიქსირებულა.
პაციენტები მოდიან, რომლებსაც აქვთ ჩვეულებრივი სეზონური გრიპი და მათ ენიშნებათ მკურნალობა.

- სეზონური ვირუსებით დაავადებული რამდენი პაციენტი მიიღეთ მიმდინარე წელს?
- ზუსტი სტატისტიკური მონაცემები ამის შესახებ არ გვაქვს, თუმცა გასულ წელთან შედარებით, მომართვიანობის მაჩვენებელი დაბალია და საგანგაშო არაფერია.

- რა სიმპტომებით ხასიათდება სეზონური ვირუსული ინფექციები, სეზონური გრიპი,  H1N1 ვირუსი, არის, თუ არა სიმპტომები განსხვავებული?
- განმასხვავებელი სიმპტომები არ არსებობს, არსებობს გრიპის A და B ფორმები, სიმძიმის მიხედვით. ჩვეულებრივ გრიპის დამახასიათებელი სიმპტომებია: მაღალი ტემპერატურა, ხველა, ყელის ტკივილი, საკვების მონელების დარღვევა, უყურადღებობის შემთვევაში შესაძლოა გრიპი გადავიდეს პლევმონიაში, ფილტვების ანთებაში.

- როგორ უნდა მოიქცეს სეზონური გრიპით, ან ღორის გრიპით დაავადებული პაციენტი, რა ზომებს უნდა მიმართოს მან?
- როდესაც სეზონური გრიპით დაავადდება ადამიანი, უნდა დარჩეს ბინაზე, უნდა მიიღოს ბევრი თბილი სითხე, გამოიძახოს პოლიკლინიკის ექიმი, ან ოჯახის ექიმი და ის გადაწყვეტს, როგორ უნდა იმკურნალოს. ღორის გრიპის შემთხვევები დასტურდება მხოლოდდამხოლოდ შესაბამისი ანალიზების ჩატარების შემდგომ. 

- არის თუ არა გადამდები სეზონური ვირუსული ინფექციები, გრიპი და როგორ დავიცვათ თავი მისგან?
- პრევენციის მიზნით აუცილებელია პირადი ჰიგიენის წესების დაცვა, ჰაერის ხშირი განავება, ხელების ხშირად დაბანა, აუცილებელია დამცავი ნიღბის ტარება და დაინფიცირებულ ადამიანებთან კონტატისგან თავის არიდება.