ახალი ამბები
ქვეყანაში სამშენებლო ნებართვების რაოდენობა გაიზარდა
15:12 / 29.07.2022
საქართველოში, წინა წელთან
შედარებით, მშენებლობის ნებართვები გაიზარდა.
2022 წლის იანვარ-ივნისში გაცემულია
5 086 ნებართვა (წინა წლის შესაბამის პერიოდთან შედარებით 15.6
პროცენტით მეტი) 3 187.8 ათასი კვ.მ ფართობის შენობა-ნაგებობების
მშენებლობაზე (წინა წლის შესაბამის პერიოდთან შედარებით 7.9 პროცენტით
მეტი).
ამის შესახებ ინფორმაციას
სტატისტიკის ეროვნული სამსახური ავრცელებს.
ნებართვების 77.3 პროცენტი მოდის
ქვეყნის 4 რეგიონზე, კერძოდ, ჩასატარებელი სამშენებლო სამუშაოების
52.1 პროცენტი მოდის თბილისზე, 10.7 პროცენტი – მცხეთა-მთიანეთის
რეგიონზე, 7.9 პროცენტი – ქვემო ქართლის რეგიონზე, 6.6 პროცენტი –
იმერეთის რეგიონზე.
წინა წლებში, თბილისის შემდეგ,
გაცემული ნებართვებით ლიდერი აჭარის რეგიონი იყო.
მასალის გამოყენების პირობები