ახალი ამბები
უკრაინაში რუსული ჯარის მიერ ჩადენილი 36 383 დანაშაული დარეგისტრირდა
12:29 / 22.07.2022
უკრაინაში, სამართალდამცველებმა
ოკუპანტი ქვეყნის მიერ ჩადენილი 36 383 დანაშაული
დაარეგისტრირეს.
ამის შესახებ ინფორმაციას უკრაინის
გენერალური პროკურატურა ავრცელებს.
უწყების ცნობით, რეგისტრირებულია
ომისა და აგრესიის 24 632 დანაშაული, აქედან 23 721 ომის კანონებისა
და წეს-ჩვეულებების დარღვევას, 73 აგრესიული ომის დაგეგმვას,
მომზადებას ან წამოწყებასა და წარმოებას, 21 ომის პროპაგანდას, 817 კი
სხვა დანაშაულებს უკავშირდება.
რეგისტრირებულ დანაშაულებს შორისაა
უსაფრთხოების წინააღმდეგ ჩადენილი 11 751 დანაშაული.
უკრაინაში 149 დღეა
ომია.
რუსეთი სუვერენულ უკრაინას თავს 24
თებერვალს დაესხა. რუსულმა არმიამ მოკლა ათასობით მშვიდობიანი
მოქალაქე, მიწასთან გაასწორა ქალაქები და დასახლებული
პუნქტები.
მასალის გამოყენების პირობები