ახალი ამბები
"ომის დაწყებიდან დღემდე, 15 000-მდე რუსი სამხედროა დაღუპული" - აშშ - ს დაზვერვა
12:02 / 21.07.2022
უკრაინაში ომის დაწყებიდან 15
000-მდე რუსი სამხედრო დაიღუპა.
ამის შესახებ აშშ-ს ცენტრალური
სადაზვერვო კომიტეტის დირექტორმა, უილიამ ბარნსმა
განაცხადა.
მისი თქმით, უკრაინასაც
მნიშვნელოვანი დანაკარგები აქვს, თუმცა ბევრად მცირე.
"აშშ-ს სადაზვერვო
საზოგადოების ბოლო შეფასებით, დაახლოებით 15 000 არის მოკლული და
ალბათ, სამჯერ მეტია დაჭრილი. ასე რომ, საკმაოდ მნიშვნელოვანი
დანაკარგებია",- განაცხადა ბარნსმა.
რუსეთის თავდაცვის სამინისტროში
მხოლოდ მარტში გამოაცხადეს, რომ უკრაინაში 1351 რუსი სამხედრო მოკვდა.
უკრაინის გენერალური შტაბის ინფორმაციით კი რუსეთის დანაკარგი 38
000-ზე მეტია. დანაკარგებზე ინფორმაციას არც უკრაინის მხარე
ასაჯაროებს, თუმცა პრეზიდენტმა ზელენსკიმ განაცხადა, რომ დღეში
დაახლოებით 100-მდე უკრაინელი იღუპება.
უკრაინაში 148 დღეა
ომია.
რუსეთი სუვერენულ უკრაინას თავს 24
თებერვალს დაესხა. რუსულმა არმიამ მოკლა ათასობით მშვიდობიანი
მოქალაქე, მიწასთან გაასწორა ქალაქები და დასახლებული
პუნქტები.
მასალის გამოყენების პირობები