ახალი ამბები
საქართველოში ევროპარლამენტის საგარეო ურთიერთობათა კომიტეტის დელეგაცია იმყოფება
11:42 / 20.07.2022
ევროპარლამენტის საგარეო
ურთიერთობათა კომიტეტის დელეგაციის წევრები საქართველოში
იმყოფებიან.
ევროპარლამენტარები თბილისში
შეხვედრებს დღეიდან იწყებენ. ვიზიტი საქართველოს ევროკავშირთან
დაახლოებას უკავშირდება. შეხვედრებზე საუბარი შეეხება ევროკავშირთან
ასოცირების ხელშეკრულების შესრულების წლიურ ანგარიშსა და ევროკავშირის
კანდიდატის სტატუსის მიღებასთან დაკავშირებით ქვეყნის მიერ გაკეთებულ
განაცხადს.
ვიზიტის ფარგლებში დელეგაციის
წევრები საქართველოს პრეზიდენტს, სახალხო დამცველს, არასამთავრობო
სექტორს, ასევე აღმასრულებელი ხელისუფლებისა და ოპოზიციის
წარმომადგენლებს შეხვდებიან.
დელეგაციას საგარეო ურთიერთობათა
კომიტეტის თავმჯდომარე დევიდ მაკალისტერი
ხელმძღვანელობს.
ევროპარლამენტარები საქართველოს
გარდა, სომხეთსა და აზერბაიჯანსაც ეწვევიან.
მასალის გამოყენების პირობები