Amazon-ის დამფუძნებლის, ჯეფ
ბეზოსის კომპანია "ფრედ ჰაჩინსონი" ძუძუსა და კანის სიმსივნის
საწინააღმდეგო ვაქცინების შექმნასა და კლინიკურ კვლევებს
გეგმავს.
ამის შესახებ ინფორმაციას Forbes ავრცელებს Business Insider-ზე
დაყრდნობით.
კვლევების დაწყების თარიღად 2022 წლის 9 ივნისია დასახელებული, ხოლო
მისი დასრულების სავარაუდო დროდ - 2023 წლის პირველი ნოემბერი.
როგორც ირკვევა, კვლევის ორგანიზატორები ტესტირების პირველი ფაზისთვის
18 წელზე უფროსი ასაკის 20 მოხალისეს ეძებენ.
Amazon-ის წარმომადგენელმა Business Insider-თან განაცხადა, რომ
ვაქცინებზე მუშაობის პროცესი, შესაძლოა მრავალწლიანი აღმოჩნდეს.
მისივე თქმით, კომპანია მზად არის ითანამშრომლოს სხვა
ორგანიზაციებთან, რომლებიც მსგავსი მიმართულებით მუშაობენ.
მასალის გამოყენების პირობები