ახალი ამბები
ვინიცას ცენტრის დაბომბვის შედეგად დაღუპულთა რიცხვი 23-მდე გაიზარდა
12:10 / 15.07.2022
უკრაინის ქალაქ ვინიცაში რუსული
სარაკეტო იერიშების შედეგად დაღუპულთა რიცხვი 23-მდე გაიზარდა. მათ
შორის სამი ბავშვია.
14 ივლისს ვინიცაში რამდენიმე
აფეთქება მოხდა. დაიბომბა ქალაქის ცენტრი. სამი რუსული რაკეტა საოფისე
შენობებს მოხვდა. დაზიანდა მიმდებარე საცხოვრებელი
კორპუსებიც.
ვინიცას რეგიონული სახელმწიფო
ადმინისტრაციის ხელმძღვანელის სერგეი ბორზოვის ქმით, რეგიონის თავზე
ოთხი რაკეტა უკრაინის საჰაერო თავდაცვის ძალებმა ჩამოაგდო, თუმცა
სამის განეიტრალება ვერ მოხერხდა.
"23 ადამიანი გარდაიცვალა.
3 ბავშვი. მათ შორის, 4 წლის "მზიანი" ლიზა. ორი ბავშვის ცხედრის
იდენტიფიცირება ჯერ არ მომხდარა. ასევე 11 ზრდასრულის.
საავადმყოფოებში 73 დაჭრილია. მიმდინარეობს უგზო-უკვლოდ დაკარგულთა
ძებნა, რომელთა რიცხვი 18-ია. სხვადასხვა დაზიანებით საავადმყოფოებს
117-მა ადამიანმა მიაკითხა", - განაცხადა
ბორზოვმა.
უკრაინის საჰაერო შეიარაღებული
ძალების სარდლობის თანახმად, რუსებმა ვინიცას ცენტრს "კალიბრის"
საკრუიზო რაკეტებით დაარტყეს და ისინი შავი ზღვის წყალქვეშა ნავიდან
გაუშვეს.
მასალის გამოყენების პირობები