ახალი ამბები
29 ივნისს Starlink Holdings Netherlands-მა საქართველოში შვილობილი "სტარლინკ ჯორჯია" დააფუძნა და ავტორიზაციის მიზნით კომუნიკაციების კომისიასაც მიმართა.
ილონ მასკმა საქართველოში კომპანია დააფუძნა
14:12 / 14.07.2022
მილიარდერ ილონ მასკის კუთვნილებაში
არსებული კომპანია Starlink საქმიანობას საქართველოშიც
გააგრძელებს.
29 ივნისს Starlink Holdings Netherlands-მა საქართველოში შვილობილი "სტარლინკ ჯორჯია" დააფუძნა და ავტორიზაციის მიზნით კომუნიკაციების კომისიასაც მიმართა.
კომუნიკაციების კომისიაში SpaceX-ის
Starlink-ის სატელიტური ინტერნეტ სერვისის საქართველოში გაშვების
საკითხი განიხილეს.
Starlink უზრუნველყოფს
მაღალსიჩქარიან, დაბალი დაყოვნების მქონე ფართოზოლოვან ინტერნეტს
მთელს მსოფლიოში, მათ შორის იმ ადგილებში, სადაც ინტერნეტ კავშირი
ძვირადღირებული, დაბალი საიმედოობის, უხარისხო ან სრულიად
მიუწვდომელია. SpaceX-ს დღეისათვის 2700-ზე მეტი Starlink-ის დაბალ
ორბიტალური თანამგზავრი ჰყავს გაშვებული.
საქართველოს კონტექსტში, Starlink
განსაკუთრებით მნიშვნელოვანი და საინტერესო მაღალმთიან რეგიონებში,
ასევე ფართოზოლოვანი ინტერნეტ დაფარვის არმქონე დასახლებებშია.
Starlink-ის დანერგვის შემდეგ ყველა ასეთ გეოგრაფიულ არეალში
მაღალსიჩქარიან ინტერნეტზე წვდომა ნებისმიერი მსურველისთვის
ხელმისაწვდომი იქნება.
აღსანიშნავია, რომ Starlink-ის
ოფიციალურ საიტზე საქართველოს ტერიტორია უფასო ინტერნეტის მომლოდინეთა
კატეგორიას მიეკუთვნება.
bpn.ge
მასალის გამოყენების პირობები