ახალი ამბები
საქართველოში რუსეთიდან ვიზიტორების რიცხვი 6-ჯერ გაიზარდა
16:07 / 07.07.2022
რუსეთიდან საქართველოში ვიზიტორების
რაოდენობა 502.9%-ით გაიზარდა.
ინფორმაციას ტურიზმის ეროვნული
ადმინისტრაცია ავრცელებს.
2022 წლის ივნისში, საქართველოში
რუსეთიდან ვიზიტორების რიცხვი, წინა წლის ანალოგიურ პერიოდთან
შედარებით, 6-ჯერ გაიზარდა.
2022 წლის ივნისში რუსეთიდან
საქართველოს 90 239 ვიზიტორი ეწვია, მაშინ, როცა 2021 წლის ამავე
პერიოდში ეს მაჩვენებელი 14 967 იყო.
საერთაშორისო ვიზიტორების
რაოდენობის მიხედვით, ტოპ-15 ქვეყანას შორის რუსეთი პირველ ადგილზეა.
მას მოსდევს თურქეთი - 62 192 ვიზიტორით, მე-3 ადგილზე კი სომხეთია -
61 974 ვიზიტორით.
ზოგადად,
გაზრდილია საქართველოში
საერთაშორისო ვიზიტორების რიცხვი. ივნისში საქართველოს 445 894
საერთაშორისო მოგზაური ეწვია.
მასალის გამოყენების პირობები