უკრაინაში რუსეთის შეჭრის შედეგად დაიღუპა 347 და დაშავდა 646 ბავშვი.

ამის შესახებ ინფორმაციას უკრაინის გენერალური პროკურატურა ავრცელებს.

პროკურატურის განცხადებით, მონაცემები საბოლოო არ არის, რადგან დაბომბვის ადგილების შემოწმება აქტიური საომარი მოქმედებების ზონებში და დროებით ოკუპირებულ ტერიტორიებზე ვერ ხერხდება.

პროკურატურის ინფორმაციით, ყველაზე მეტი ბავშვი დონეცკის ოლქში დაიღუპა.

ოკუპანტი ქვეყნის სამხედროების უკრაინაში შეჭრის შედეგად დაზიანდა 2 108 სასწავლო დაწესებულება, ხოლო სრულად განადგურდა 215.

უკრაინაში 134 დღეა ომია.

რუსეთი სუვერენულ უკრაინას თავს 24 თებერვალს დაესხა. რუსულმა არმიამ მოკლა ათასობით მშვიდობიანი მოქალაქე, მიწასთან გაასწორა ქალაქები და დასახლებული პუნქტები.