ახალი ამბები
საქართველოდან ევროკავშირში თავშესაფრის მაძიებელთა რიცხვი 68%-ით გაიზარდა
18:02 / 06.07.2022
საქართველოდან ევროკავშირსა და
შენგენის ზონაში თავშესაფრის მაძიებელთა რიცხვი 2021 წელს 68%-ით
გაიზარდა და 14 970 შეადგინა.
ინფორმაციას ევროკავშირის
თავშესაფრის სააგენტო (European Union Agency for Asulym)
ავრცელებს.
2022 წლის ანგარიშის მიხედვით,
თავშესაფარზე განაცხადების 37% მოდის საფრანგეთზე.
თავშესაფრის მაძიებელთა რიცხვის
მატებასთან ერთად 21%-ით გაიზარდა უარის თქმის მაჩვენებელიც. უარი
საქართველოს 10 590 მოქალაქეს ეთქვა. უარის ყველაზე მაღალი
მაჩვენებელი - 28% გერმანიაში ფიქსირდება.
ამასთან, 2021 წელს განმეორებითი
აპლიკაციების მხრივ, საქართველო მე-10 ადგილს იკავებს. პირველ
ადგილზეა სირია, მას მოსდევს ავღანეთი და ნიგერია. ათეულში ბოლოდან
მე-4 ადგილზეა რუსეთი.
მასალის გამოყენების პირობები