ახალი ამბები
პრეზენტაცია წყალტუბოში, ყოფილ სანატორიუმ "მედეასთან" გაიმართა. მთავრობის მეთაურმა საქართველოს უმნიშვნელოვანესი კურორტის განახლება კერძო სექტორის დახმარებით დააანონსა და თქვა, რომ ამ პროცესში სახელმწიფოც ჩაერთვება. ირაკლი ღარიბაშვილის თქმით, წყალტუბოში არსებული 15-მდე მიტოვებული სანატორიუმის აღსადგენად 500 მილიონ ლარამდე ინვესტიცია განხორციელდება.
წყალტუბოს, ივანიშვილის ნაცვლად, კერძო სექტორი და სახელმწიფო "ააღორძინებს"
17:44 / 05.07.2022
საქართველოს პრემიერ-მინისტრმა
ირაკლი ღარიბაშვილმა წყალტუბოს აღორძინების გეგმა
წარადგინა.
პრეზენტაცია წყალტუბოში, ყოფილ სანატორიუმ "მედეასთან" გაიმართა. მთავრობის მეთაურმა საქართველოს უმნიშვნელოვანესი კურორტის განახლება კერძო სექტორის დახმარებით დააანონსა და თქვა, რომ ამ პროცესში სახელმწიფოც ჩაერთვება. ირაკლი ღარიბაშვილის თქმით, წყალტუბოში არსებული 15-მდე მიტოვებული სანატორიუმის აღსადგენად 500 მილიონ ლარამდე ინვესტიცია განხორციელდება.
"გვაქვს ამბიცია, რომ
წყალტუბო გადავაქციოთ 21-ე საუკუნის მდიდარ კურორტად. ჩვენ უკვე
გამოგვაქვს გასაყიდად 14 სანატორიუმი, რომელთა ღირებულება, დაახლოებით
50 მილიონი ლარია და ჩვენი მოლოდინია ის, რომ დაახლოებით 500 მილიონი
ლარის ინვესტირება განხორციელდება. რა თქმა უნდა, ეს იქნება კერძო
ინვესტიცია და სახელმწიფო იღებს ვალდებულებას, რომ დამატებით
ათეულობით მილიონი ლარის ინვესტირება მოახდინოს, იმისთვის, რომ
წყალტუბო გახდეს თანამედროვე, მსოფლიო დონის სპა კურორტი, ისეთი
როგორიც ჩვენ გვინახავს ევროპაში", - განაცხადა
პრემიერმა.
მისი თქმით, ამ პროცესში
შემაფერხებელი იყო წყალტუბოს უნიკალური წყლის კერძო საკუთრებაში
არსებობა. რამდენიმე თვის წინ სახელმწიფომ გამოისყიდა ეს რესურსი და
ახლა ის ქვეყნის საკუთრებას წარმოადგენს, რაც მასში ინვესტიციის
ჩადების საშუალებას იძლევა.
"სწორედ ამას ელოდებოდა
ძალიან ბევრი ინვესტორი და კერძო პირი, რომელიც დაინტერესებული არის
წყალტუბოს განვითარებით. მეორე საკითხი იყო გენერალური გეგმის
დამტკიცება. გეგმაც არის დასრულებული", - თქვა
პრემიერმა.
მისი თქმით, 2019 წელს წყალტუბოს 25
000 ვიზიტორი ეწვია, რაც მთავრობის ვარაუდით, რამდენიმე წელში
გაათმაგდება.
წყალტუბოს აღორძინებას ჯერ კიდევ
სამი წლის წინ ბიძინა ივანიშვილი, საკუთარი სახსრებით აპირებდა. "ქართული ოცნების"
დამფუძნებელი წყალტუბოელებს ამორტიზებული სასტუმროებისა და აბანოების
გამოსყიდვას პირდებოდა. მეტი დამაჯერებლობისთვის ივანიშვილმა მაშინ
შვეიცარიული საკონსულტაციო კომპანიაც "KohL&Partners" დაასახელა,
რომელსაც მისი თქმით, წყალტუბოს აღორძინების გეგმა უკვე შემუშავებული
ჰქონდა. სამი წლის შემდეგ კი ირკვევა, რომ უნიკალური ბალნეოლოგიური
კურორტის განახლებაში, კერძო სექტორთან ერთად სახელმწიფოს ფულიც
დაიხარჯება.
ამავე თემაზე:
"წყალტუბო გახდება გამორჩეული კურორტი" - "ქართული ოცნების" მორიგი წინასაარჩევნო დაპირება
წყალტუბო დაპირებული "აღორძინებიდან" ერთი წლის შემდეგ
ბიძინა ივანიშვილი წყალტუბოს სანატორიუმებს ყიდულობს
ამავე თემაზე:
"წყალტუბო გახდება გამორჩეული კურორტი" - "ქართული ოცნების" მორიგი წინასაარჩევნო დაპირება
წყალტუბო დაპირებული "აღორძინებიდან" ერთი წლის შემდეგ
ბიძინა ივანიშვილი წყალტუბოს სანატორიუმებს ყიდულობს
მასალის გამოყენების პირობები