ახალი ამბები
ქუთაისის მერი და გუბერნატორი, საკუთარი ქალაქის ტურისტული და საინვესტიციო პოტენციალის ინვესტორებისთვის გასაცნობად დაგეგმილ ღონისძიებაზე, თბილისში ჩავიდნენ. თვითმმართველის სტატუსის მქონე ქალაქის ხელისუფლება იმასაც ვერ ახერხებს, რომ ქალაქის შესაძლებლობების შესახებ ბიზნესს ადგილზე ესაუბროს. უფრო მეტიც, ქუთაისის მერიას, ღონისძიება, რომელზეც ქალაქსა და მის შემოგარენში არსებული 25 უძრავი ქონების გასხვისების საკითხს განიხილავდნენ, არც კი დაუორგანიზებია, ქალაქისა და მხარის პირველი პირები კი პრეზენტაციას სტუმრის სტატუსით ესწრებოდნენ.
ქუთაისის საინვესტიციო პოტენციალის პრეზენტაცია თბილისში გაიმართა
11:43 / 16.06.2022
ქუთაისში არსებული საინვესტიციოდ
მიმზიდველი ობიექტების შესახებ პრეზენტაციას დედაქალაქმა
უმასპინძლა.
ქუთაისის მერი და გუბერნატორი, საკუთარი ქალაქის ტურისტული და საინვესტიციო პოტენციალის ინვესტორებისთვის გასაცნობად დაგეგმილ ღონისძიებაზე, თბილისში ჩავიდნენ. თვითმმართველის სტატუსის მქონე ქალაქის ხელისუფლება იმასაც ვერ ახერხებს, რომ ქალაქის შესაძლებლობების შესახებ ბიზნესს ადგილზე ესაუბროს. უფრო მეტიც, ქუთაისის მერიას, ღონისძიება, რომელზეც ქალაქსა და მის შემოგარენში არსებული 25 უძრავი ქონების გასხვისების საკითხს განიხილავდნენ, არც კი დაუორგანიზებია, ქალაქისა და მხარის პირველი პირები კი პრეზენტაციას სტუმრის სტატუსით ესწრებოდნენ.
მათ მაგივრად ღონისძიება ქონების
ეროვნულმა სააგენტომ, USAID-თან ერთად დააორგანიზა. პრეზენტაციაზე
ინვესტორებს ქუთაისსა და მის მიმდებარედ არსებული 25 საინვესტიციოდ
მიმზიდველი ქონება შესთავაზეს. მათ შორის, სააგენტომ დაინტერესებულ
პირებს ქუთაისის მუნიციპალიტეტის ადმინისტრაციის შენობა წარუდგინა,
რომელიც ამ დრომდე ქალაქის ბალანსზეა და არ წარმოადგენს სახელმწიფო
ქონებას.
ქუთაისის მერიაში არც ის იციან სად
გააგრძელებენ მუშაობას შენობის გაყიდვის შემთხვევაში. "ქუთაისიპოსტის"
ინფორმაციით, განიხილება რამდენიმე ალტერნატიული ადგილი, სადაც, შესაძლოა მერია,
საკრებულო და სამხარეო ადმინისტრაცია განთავსდეს. ერთ-ერთი ვერსიით,
მერია და საკრებულო, შესაძლოა კონტროლის პალატის, ხოლო გუბერნია -
საგზაო დეპარტამენტის შენობაში გადავიდეს. ერთ-ერთ ალტერნატივად
მოიაზრება წინა მთავრობის მიერ აშენებული მთავრობის სახლის ყოფილი
შენობაც, თუმცა, ამ შემთხვევაში შემაფერხებელი მიზეზი მისი
მდგრადობაა. არსებული ინფორმაციით, წლების განმავლობაში მოუვლელი და
მიტოვებული შენობა ექსპერტიზას საჭიროებს. მერიის ადმინისტრაციული
შენობის გასხვისების შემთხვევაში, ადგილობრივი ხელისუფლების ახალ
სამუშაო სივრცედ, ასევე მოიაზრება პროკურატურის ყოფილი
შენობა.
რა ბედი ეწევა მერიის შენობას და რა
იქნება მუნიციპალიტეტის ადმინისტრაციის ახალი მისამართი, ამ
გადაწყვეტილებას ქუთაისის მერი კვლავ ცენტრალური ხელისუფლებისგან
ელოდება.
მასალის გამოყენების პირობები