რუსთაველის #3-ში მდებარე შენობა ერთ-ერთი იქნება, რომელსაც ქონების ეროვნული სააგენტო, 15 ივნისს, კერძო სექტორის ადგილობრივ და საერთაშორისო წარმომადგენლებს წარუდგენს. "საინვესტიციო შესაძლებლობები ქუთაისში" - ასე ჰქვია სააგენტოსა და USAID-ის მიერ განხორციელებულ ერთობლივ პროექტს, რომლის ფარგლებშიც ეკონომიკის სამინისტრომ ქუთაისსა და მის შემოგარენში 25 საინვესტიციოდ მიმზიდველი ობიექტი შეარჩია, რაც საბოლოოდ, მათ ინვესტორებზე გასხვისებას ნიშნავს.

გარდა ქუთაისის მერიის შენობისა, სახელმწიფო ინვესტორებს ლადო ასათიანის ქუჩაზე მდებარე ყოფილ საკონსერვო ქარხანასაც შესთავაზებს, რომლის საერთო ფართი 72836 კვ.მ_ია. საკონსერვო ქარხნის შემთხვევაში, სააგენტოს ბიზნეს გეგმა და არქიტექტურული რენდერიც კი აქვს შემუშავებული.