პარტია "კონსერვატიული მოძრაობა", რომელიც საზოგადოებაში "ალტ-ინფოს" სახელით არის ცნობილი, სასამართლომ 218 ათასი ლარით დააჯარიმა.

ინფორმაცია რადიო „თავისუფლება“ ავრცელებს.

პარტიის წინააღმდეგ სასამართლოს აუდიტის სამსახურმა მიმართა. იგი ორ საკითხს აყენებდა:

აუდიტის სამსახურისთვის სადავო იყო 2021 წლის დეკლარაცია.

აუდიტის სამსახური აცხადებდა, რომ ეს დოკუმენტი არასწორად იყო შევსებული - პარტია უთითებდა, რომ დეკემბერში ფინანსური ბრუნვა არ ჰქონია, არადა სწორედ ამ დროის გაიხსნა "კონსერვატიული მოძრაობის" ოფისები.

გარდა ამისა, საუბარი იყო არაფულადი შემოწირულებების დამალვაზე. კერძოდ, პარტიამ აუდიტის სამსახურში არ წარადგინა ინფორმაცია არაფულად შემოწირულებებზე - ბრენდირებული მასალის დაბეჭდვასა და რეგიონული ოფისების რემონტზე.

იყო შემთხვევები, როცა პარტიამ ოფისი ხელშეკრულების გარეშე იქირავა. საუბარი იყო 72 ათას ლარზე.

სასამართლომ გაიზიარა აუდიტის სამსახურის მოსაზრება და პარტიას სავარაუდოდ დამალული თანხის სამმაგი ოდენობა დააკისრა. პარტიის ლიდერი კონსტანტინე მორგოშია ამბობს, რომ არ ეთანხმებიან სასამართლოს პოზიციას და გადაწყვეტილებას გაასაჩივრებენ.