ახალი ამბები
აშშ უკრაინას 40 მილიარდ დოლარს გამოუყოფს
10:33 / 20.05.2022
აშშ-ს სენატმა, უკრაინის
დასახმარებლად, დამატებით 40 მილიარდი დოლარის გამოყოფას მხარი
დაუჭირა.
კანონპროექტი სენატმა 86-11 ხმით
მიიღო, რომელიც ხელის მოსაწერად პრეზიდენტს, ჯო ბაიდენს
გადაეცემა.
აშშ-ს პრეზიდენტმა კონგრესს
უკრაინის დასახმარებლად 33 მილიარდი დოლარის გამოყოფა სთხოვა, თუმცა,
კონგრესის ქვედა წარმომადგენელთა პალატამ ეს თანხა 40 მილიარდამდე
გაზარდა.
9 მაისს ჯო ბაიდენმა ლენდ-ლიზის
კანონს მოაწერა ხელი. ლენდ-ლიზის პროგრამამ მეორე მსოფლიო ომის დროს
მნიშვნელოვანი როლი შეასრულა ნაცისტური გერმანიის დამარცხებაში,
რადგან ამერიკას შესაძლებლობა მიეცა, პარტნიორები დამატებითი
პროცედურების გარეშე, სწრაფად მოემარაგებინა.
მასალის გამოყენების პირობები