საქართველოს შინაგან საქმეთა სამინისტროს მიერ საზღვრის სტატისტიკის შესაბამისად, მიმდინარე წლის მარტის თვეში  ოკუპანტი ქვეყნიდან  45 068 მოქალაქე, ხოლო  ბელორუსიდან 20 029 მოქალაქე შემოვიდა.
რაც გასული წლის ამავე პერიოდთან შედარებით 430% -ით მეტია. 



საქართველოს კანონმდებლობით, რუსეთის ფედერაცია იმ ქვეყნების ჩამონათვალშია, რომელთა მოქალაქეებს და მუდმივად მცხოვრებ მოქალაქეობის არმქონე პირებს აქვთ საქართველოში უვიზოდ შემოსვლისა და სრული 1 წლის ვადით ყოფნის უფლება.

რუსეთს საქართველოში შემოსასვლელად სატრანზიტო ქვეყნად იყენებენ ის უკრაინელი ლტოლვილებიც, რომლებსაც რუსეთის ტერიტორიაზე მოსახვედრად ფილტრაციის ბანაკების გავლა უწევთ.

2022 წლის მარტში სახელმწიფო საზღვარი (გასვლა-შემოსვლა) სულ 701 740-ჯერ გადაკვეთეს. აქედან 35 % იყო საქართველოს მოქალაქე, 65 % კი – უცხოეთის.

უკრაინაში 64 დღეა ომია.

რუსეთი სუვერენულ უკრაინას თავს 24 თებერვალს დაესხა. რუსულმა არმიამ მოკლა ათასობით მშვიდობიანი მოქალაქე, მიწასთან გაასწორა ქალაქები და დასახლებული პუნქტები.