ახალი ამბები
რუსეთ-უკრაინის საბრძოლო დანაკარგები ომის 62-ე დღეს
11:32 / 26.04.2022
უკრაინის გენშტაბის ინფორმაციით,
რუსული ძალები ცდილობენ განახორციელონ უკრაინული ჯარების პოზიციების
სისტემატური დაბომბვა რეაქტიული არტილერიის გამოყენებით.
იბომბება უკრაინის სამხედრო და
სამოქალაქო ობიექტები. უკრაინისთვის სამხედრო დახმარების ფარგლებში
გამოგზავნილი იარაღისა და სამხედრო აღჭურვილობის მიწოდების შეფერხების
მიზნით, გააქტიურდა დარტყმები სარკინიგზო
ინფრასტრუქტურაზე.
მოწინააღმდეგე ახორციელებს მასიურ
ცეცხლს და ბლოკავს უკრაინულ ქვედანაყოფებს მარიუპოლში, აზოვსტალის
ქარხნის მიდამოში. გენშტაბის ცნობით, სამხრეთის მიმართულებით რუსულმა
ჯარებმა განახორციელეს უკრაინული ქვედანაყოფების ერთჯერადი დაბომბვა.
რუსეთის ფედერაციის შეიარაღებული ძალების ქვედანაყოფები ოდესის ოლქის
ტერიტორიაზე საჰაერო დაზვერვის ჩატარებას ცდილობენ.
უკრაინის შეიარაღებული ძალების
საჰაერო ძალებმა წინა დღეს დაარტყეს ათ საჰაერო სამიზნეს. ჩამოაგდეს
სამი თვითმფრინავი, ოთხი ოპერატიულ-ტაქტიკური უპილოტო საფრენი აპარატი
და სამი საკრუიზო რაკეტა. დონეცკისა და ლუგანსკის ტერიტორიაზე ბოლო
დღის განმავლობაში მოიგერიეს მტრის ექვსი შეტევა, განადგურდა ოთხი
ტანკი, ხუთი საარტილერიო სისტემა, ცამეტი ერთეული ჯავშანტექნიკა,
თხუთმეტი ერთეული საავტომობილო მანქანა, ორი ტანკერი და ერთი საზენიტო
იარაღი.
მტრის მთლიანი საბრძოლო დანაკარგები
24.02-დან 26.04-მდე დაახლოებით იყო:
პერსონალი - 22100
(+200)
ტანკები - 918 (+34)
საბრძოლო ჯავშანმანქანები - 2308
(+50)
საარტილერიო სისტემები - 416
(+5)
ჰაერსაწინააღმდეგო საბრძოლო
სისტემები - 69 (+0) დან
თვითმფრინავები-184
(+3)
ვერტმფრენი -154 (+0)
საავტომობილო/მანქანები -1643
(+77)
გემები - 8 (+0)
საწვავის ავზები - 76
(+0)
სპეციალური აღჭურვილობა - 31
(+3)
რუსეთის თავდაცვის სამინისტროს
ცნობით, რუსმა სამხედროებმა ჩამოაგდეს 141 თვითმფრინავი და 110
ვერტმფრენი, 570 უპილოტო საჰაერო მანქანა, 265 ჰაერსაწინააღმდეგო
სარაკეტო სისტემა, 2 554 ტანკი და სხვა ჯავშანმატარებელი, 283
მრავალჯერადი გამშვები სარაკეტო სისტემები, 1 104 საველე არტილერია,
ასევე 2 380 ერთეული უკრაინის შეიარაღებული ძალების სპეციალური
სამხედრო მანქანები.
უკრაინაში 62 დღეა ომია. რუსი
ოკუპანტები უკრაინის ტერიტორიაზე 24 თებერვალს შეიჭრნენ.
მასალის გამოყენების პირობები