ახალი ამბები
რუსეთ - უკრაინის საბრძოლო დანაკარგები ომის 59-ე დღეს
12:08 / 23.04.2022
უკრაინის გენერალური შტაბის
ინფორმაციით, რუსული სამხედრო ძალები ახორციელებენ შეტევით ოპერაციებს
აღმოსავლეთის ზონაში, რათა დაამყარონ სრული კონტროლი დონეცკისა და
ლუგანსკის ოლქებზე და უზრუნველყონ სახმელეთო გზა აღნიშნულ
ტერიტორიებსა და ოკუპირებულ ყირიმს შორის.
რუსი ოკუპანტების უდიდესი აქტივობა
შეინიშნება სლობოჟანსკის და დონეცკის მიმართულებებში. ისინი
აგრძელებენ სამხედრო და სამოქალაქო ინფრასტრუქტურაზე სარაკეტო
დაბომბვას.
მარიუპოლის მიმართულებით,
მოწინააღმდეგე აგრძელებს უკრაინული ქვედანაყოფების ბლოკირებას
"აზოვსტალის" ქარხნის მიდამოში და ახორციელებს საჰაერო დარტყმებს
ქალაქზე, მათ შორის, შორ მანძილზე მყოფი თვითმფრინავების გამოყენებით.
მარიუპოლის საპორტო ინფრასტრუქტურის განაღმვის მიზნით, ოკუპირებულ
ქალაქში საინჟინრო განყოფილება ჩავიდა.
რუსული საზღვაო ჯგუფები შავ და
აზოვის ზღვებში აგრძელებენ საბრძოლო უბნის იზოლირებისა და დაზვერვის
დავალებების შესრულებას.
მხოლოდ დონეცკისა და ლუგანსკის
ოლქებში, ბოლო 24 საათის განმავლობაში უკრაინელებმა რვა შეტევა
მოიგერიეს, განადგურდა ცხრა ტანკი, თვრამეტი ჯავშანტექნიკა და ცამეტი
მანქანა, ტანკერი და სამი საარტილერიო სისტემა.
რუსული ჯარის სრული საბრძოლო
დანაკარგები 24.02-დან 23.04-მდე დაახლოებით არის:
21600 ადამიანი
ტანკები ‒ 854
საბრძოლო ჯავშან - მანქანები ‒
2205
საარტილერიო სისტემები -
403
ჰაერსაწინააღმდეგო საბრძოლო
სისტემები - 69
თვითმფრინავი - 177
ვერტმფრენები - 154
მანქანები - 1543
გემები - 8
საწვავის ავზებით - 76
სპეციალური აღჭურვილობა /
სპეციალური ტექნიკა - 27
რუსეთის თავდაცვის სამინისტროს
რწმუნებით, უკრაინულმა სამხედრო ძალებმა ჯამში დაკარგეს 140
თვითმფრინავი და 107 ვერტმფრენი, 523 უპილოტო საჰაერო მანქანა, 258
ჰაერსაწინააღმდეგო სარაკეტო სისტემა, 2 458 ტანკი და სხვა
ჯავშანტექნიკა, 272 მრავალჯერადი გამშვები სარაკეტო სისტემები, 1 069
საველე არტილერია და ნაღმმტყორცნები.
უკრაინაში 59 დღეა ომია. რუსი
ოკუპანტები უკრაინის ტერიტორიაზე 24 თებერვალს შეიჭრნენ.
მასალის გამოყენების პირობები