ქუთაისის მერიამ "სოციალური ღონისძიების" პროგრამის ფარგლებში, აღდგომის ბრწყინვალე დღესასწაულთან დაკავშირებით ბენეფიციარებისთვის ნობათის შესყიდვაზე ტენდერი გამოაცხადა.

60 000 ლარის ღირებულების ტენდერი მერიამ მიმდინარე წლის 6 მარტს გამოაცხადა. ტენდერში გამარჯვებულმა კომპანიამ სააღდგომო ნობათის მიწოდება  სხვადასხვა კატეგორიის ბენეფიციარისთვის  საკუთარი ხარჯებით, 2015 წლის 6 აპრილიდან 10 აპრილის ჩათვლით, უნდა განახორციელოს.
გაყინული ქათამი, შაქარი, პასკა, კვერცხი, შედედებული რძე, ზეთი, შოკოლადის კანფეტი, მაიონეზი, პურის ფქვილი - ეს და ხელშეკრულებით გათვალისწინებული სხვა სურსათი გამარჯვებულმა ორგანიზაციამ 2400 პაკეტად უნდა შეფუთოს და ბენეფციარებს თავად უნდა გადასცეს.
თეკლე მორგოშია