ორი ლეგენდარული ჯგუფი Pink Floyd და Metallica უკრაინას მხარდაჭერას უცხადებს და ამას სხვადასხვა ფორმით გამოხატავს. 

Pink Floyd-მა ოცდარვაწლიანი პერიოდის შემდეგ დუმილი დაარღვია და  ახალი სიმღერა Hey Hey Rise Up (feat. Andriy Khlyvnyuk of Boombox
ჩაწერა, რომელიც უკრაინას მიუძღვნა. 




სინგლი გასულ კვირას ჩაიწერა. მასში გამოყენებულია უკრაინელი მომღერლის, ანდრიი ხლივნიუკის პატრიოტული სიმღერის შესრულება Ой у лузі червона калина, რომელიც მან კიევში, წმინდა სოფიას ტაძართან ჩაწერა. სიმღერა მალავე გაჰიტდა და უკრაინის ჰიმნის შემდეგ ერთ-ერთ ყველაზე პოპულარულ და გამამხნევებელ მუსიკად იქცა. 



როგორც ცნობილია, ანდრიი ხლივნიუკმა მისი ჯგუფი დროებით დატოვა და თავისი ქვეყანის რუსული სამხედრო აგრესიისგან დამცველთა რიგებში ცაეწერა. ხლივნიუკი დაიჭრა კიდეც. თუმცა უკვე დატოვა საავადმყოფო. 

სწორედ ხლივნიუკის  ვიდეოს ნახვის შემდეგ გაუჩნდა სურვილიPink Floyd-ის გიტარისტს, დევიდ გილმორს, რაიმე გაეკეთებინა უკრაინის დასახმარებლად. 

„იმედი მაქვს, რომ ტრეკი მიიღებს ფართო მხარდაჭერას და საჯაროობას. ჩვენ გვინდა სახსრების შეგროვება და ჩვენი მხარდაჭერის გამოხატვა უკრაინის მიმართ. ჩვენი სურვილია ვაჩვენოთ, რომ მსოფლიოს უმეტესობა სრულიად არასწორად თვლის რუსეთის მიერ დამოუკიდებელ დემოკრატიულ ქვეყანაში, უკრაინაში შეჭრას", - თქვა პინკ ფლოიდის ფრონტმენმა დევიდ გილმურმა.

ბრიტანელი მუსიკოსების თქმით, ყველა თანხა, რასაც ისინი შეაგროვებენ, უკრაინის ჰუმანიტარულ დახმარებას მოხმარდება.

უკრაინას მხარდაჭერას უცხადებს Metallica. ჯგუფმა უკრაინის მხარდასაჭერად სახსრების შეგროვება დაიწყო, ხოლო თავად მუსიკოსებმა 500 ათასი დოლარი გადარიცხეს.

"ჩვენ ვიწყებთ საქველმოქმედო თვეს! შეუერთდით ჩვენს კამპანიას მაისის ბოლომდე 1 მილიონი დოლარის მოსაგროვებლად".

უკრაინას მხარდაჭერა გამოუცხადა არაერთმა მსოფლიო მნიშვნელობის მსახიობმა, მუსიკოსმა დ ა მწერალმა. გაიმართა კონცერტები და საქველმოქმედო აქციები უკრაინისთვის თანხების შესაგროვებლად. 

უკრაინაში 44-ე დღეა ომია. რუსი აგრესორები სუვერენული უკრაინის ტერიტორიაზე 24 თებერვალს შეიჭრნენ.