ახალი ამბები
მის გადაწყვეტილებას წინ, სავარაუდოდ, კონფლიქტი უძღოდა, რასაც ადასტურებს კლუბის მიერ გავრცელებული განცხადება.
"ტორპედოს" მთავარი მწვრთნელი კლუბს ტოვებს
11:08 / 05.04.2022
ქუთაისის საფეხბურთო კლუბ
"ტორპედოს" მთავარმა მწვრთნელმა გია ცეცაძემ პოსტიდან წასვლის შესახებ
განცხადება დაწერა.
მის გადაწყვეტილებას წინ, სავარაუდოდ, კონფლიქტი უძღოდა, რასაც ადასტურებს კლუბის მიერ გავრცელებული განცხადება.
"ვადასტურებთ, რომ დღეს მივიღეთ გუნდის მთავარი მწვრთნელის,
გია ცეცაძის განცხადება გადადგომის შესახებ. მიგვაჩნია, რომ მსგავსი
გადაწყვეტილების მიღება ცხელ გულზე გაუმართლებელი და მიზანშეუწონელია.
კლუბში შექმნილი ვითარება საჭიროებს დეტალურ
განხილვას და რიგი მიზეზების სიღრმისეულ შესწავლას. ამდენად,
კლუბის ხელმძღვანელობა არ ჩქარობს გია ცეცაძის
განცხადების დაკმაყოფილებას და მნიშვნელოვნად მიიჩნევს
გადაწყვეტილების მიღებას კლუბში შექმნილი ვითარების სრულყოფილად
შესწავლის შემდეგ", - ნათქვამია განცხადებაში.
რა მოხდა სინამდვილეში დეტალები
ამის შესახებ დღეს დაგეგმილ პრესკონფერენციაზე გახდება
ცნობილი.
გია ცეცაძე "ტორპედოს" მთავარ
მწვრთნელად გასული წლის ნოემბერში დაინიშნა. მან ამ პოსტზე კახა
ჩხეტიანი შეცვალა, რომელიც კლუბიდან ხელმძღვანელობამ გაუშვა, მიზეზად
კი გუნდის დაბალი შედეგები დასახელდა. თუმცა, ჩხეტიანის გულშემატკივრები აცხადებდნენ, რომ იგი კლუბის
ხელმძღვანელობამ პოლიტიკური შეხედულებების გამო დასაჯა.
კახა ჩხეტიანი "ტორპედოს" მწვრთნელობის პარალელურად, 2021 წლის ადგილობრივი თვითმმართველობის არჩევნებში, ყოფილი პრემიერის გიორგი გახარიას პარტიის "საქართველოსთვის" სახელით, საკრებულოში შესვლისთვის იბრძოდა.
კახა ჩხეტიანი "ტორპედოს" მწვრთნელობის პარალელურად, 2021 წლის ადგილობრივი თვითმმართველობის არჩევნებში, ყოფილი პრემიერის გიორგი გახარიას პარტიის "საქართველოსთვის" სახელით, საკრებულოში შესვლისთვის იბრძოდა.
მასალის გამოყენების პირობები