ჩერნობილის ატომურ ელექტროსადგურთან დაკავშირებით მომატებული რისკების შესახებ, ორი დღის წინ ისაუბრა უკრაინის ვიცე-პრემიერმა ირინა ვერეშჩუკმა. იგი სადგურის ტერიტორიაზე გაეროს სპეციალური მისიის გაგზავნას ითხოვდა. მისი თქმით, ქალაქ პრიპიატის გავლით, ატომური ელექტროსადგურიდან რამდენიმე ასეული მეტრის დაშორებით, რუს ოკუპანტებს ყოველდღიურად ათეულობით ტონა თვითმფრინავის ჭურვი გადააქვთ და ინახავენ ასობით ტონა ტყვიას. ვერეშჩუკი ამბობდა, რომ საბრძოლო მასალის დატვირთვა-გადმოტვირთვის დროს, საოკუპაციო ჯარების მოძველებული შეიარაღების დეტონაციის საფრთხე არსებობს, ასევე, გამორიცხული არ არის მათი თვითდეტონაცია.