ახალი ამბები
რუსეთ-უკრაინის საბრძოლო დანაკარგები ომის 35 - ე დღეს
12:36 / 30.03.2022
უკრაინის გენშტაბის ცნობით, ბოლო 24
საათის განმავლობაში უკრაინელებმა დონეცკისა და ლუგანსკის
მიმართულებით მოიგერიეს 4 შეტევა.
გენშტაბი აქვეყნებს 29 მარტს რუსული
არმიის საბრძოლო დანაკარგებს: 7 ტანკი, 7 ჯავშანმანქანა, 2 მანქანა და
1 ტანკსაწინააღმდეგო იარაღი.
34 დღიანი ომის განმავლობაში
უკრაინელებმა გაანადგურეს:
605 რუსული ტანკი
17 300 ჯარისკაცი
1723 საბრძოლო ბრონირებული
მანქანა
305 საარტილერიო
სისტემა
54 მიწა-ჰაერი რაკეტა
131 თვითმფრინავი
81 დრონი
1184 სამხედრო
ავტომობილი
7 გემი
თავის მხრივ, რუსეთის თავდაცვის
სამინისტრო ავრცელებს ინფორმაციას, რომ რუსულმა საჰაერო კოსმოსურმა
ძალებმა ერთ დღეში გაანადგურეს 10 უკრაინული უპილოტო საფრენი აპარატი.
ოპერატიულ-ტაქტიკური საავიაციო და სარაკეტო ძალებმა უკრაინის 64
სამხედრო ობიექტს დაარტყეს. მათ შორის, ოთხ სამეთაურო პუნქტს და სამ
საზენიტო-სარაკეტო სისტემას.
რუსების მიერ ასევე განადგურდა
სამხედრო ტექნიკის კონცენტრაციის 49 ადგილი.
თავდაცვის სამინისტროს ინფორმაციით,
ომის (როგორც თავად აღნიშნავენ "სპეცოპერაციის") დაწყებიდან
განადგურდა უკრაინელების:
124 თვითმფრინავი
77 შვეულმფრენი
214 საზენიტო-სარაკეტო
სისტემა
321 უპილოტო საფრენი
აპარატი
1752 ტანკი და სხვა
ჯავშანტექნიკა
184 მრავალჯერადი სარაკეტო
სადგური
734 საველე საარტილერიო იარაღი და
ნაღმტყორცნები
1640 ერთეული სპეციალური სამხედრო
მანქანა
უკრაინაში ომის 35-ე
დღეა.
24 თებერვალს, რუსეთმა
სრულმასშტაბიანი ომი გამოუცხადა უკრაინას. რუსული ჯარები ბომბავენ და
ანგრევენ ინფრასტრუქტურას, ახორციელებენ მასიურ დაბომბვას უკრაინის
ქალაქებისა და დაბების საცხოვრებელ უბნებზე, საარტილერიო, სარაკეტო
ტყვიის და ბალისტიკური რაკეტების გამოყენებით.
მასალის გამოყენების პირობები