ახალი ამბები
რუსეთ-უკრაინის საბრძოლო დანაკარგები ომის 33-ე დღეს
12:49 / 28.03.2022
უკრაინის გენერალური შტაბის ცნობით,
ბოლო 24 საათის განმავლობაში რუსი ოკუპანტები ცდილობდნენ გაერღვიათ
თავდაცვა ჩრდილო-დასავლეთიდან და აღმოსავლეთიდან, რათა გააკონტროლონ
ძირითადი გზები და დასახლებები, მაგრამ უკრაინის შეიარაღებული ძალები
აკავებენ ხაზს.
დონეცკსა და ლუჰანსკში უკრაინელებმა
მოიგერიეს მტრის 5 შეტევა. განადგურდა 2 ტანკი და ქვეითთა ერთი
საბრძოლო მანქანა. საჰაერო ძალების სამხედროებმა ჩამოაგდეს: 4
თვითმფრინავი, 1 ვერტმფრენი, 2 სხვადასხვა ტიპის უპილოტო საფრენი
აპარატი, გაანადგურეს 2 საკრუიზო რაკეტა.
33 დღიანი ომის განმავლობაში
უკრაინამ გაანადგურა:
582 ტანკი
16 600 ჯარისკაცი
1664 საბრძოლო ბრონირებული
მანქანა
294 საარტილერიო
სისტემა
52 მიწა-ჰაერი რაკეტა
121 თვითმფრინავი
56 დრონი
1144 სამხედრო
ავტომობილი
7 გემი
რუსეთის თავდაცვის სამინისტროს
ცნობით, საჰაერო კოსმოსური ძალების საავიაციო და საჰაერო თავდაცვის
სისტემებმა, ერთი დღის განმავლობაში ჩამოაგდეს უკრაინის საჰაერო
ძალების ოთხი თვითმფრინავი. მათი რწმუნებით, დღის განმავლობაში
განადგურდა 19 უკრაინული უპილოტო საფრენი აპარატი. რუსების ავიაციისა
და სარაკეტო ძალებმა უკრაინის 36 სამხედრო ობიექტს
დაარტყეს.
როგორც რუსული მხარე ირწმუნება,
საერთო ჯამში, სპეცოპერაციის დაწყებიდან დღემდე განადგურდა
უკრაინელების:
308 უპილოტო საჰაერო
ხომალდი
1713 ტანკი და სხვა
ჯავშანტექნიკა
170 მრავალჯერადი სარაკეტო
სადგური
715 საველე არტილერია და
ნაღმტყორცნები
1557 ერთეული სპეციალური სამხედრო
მანქანა
უკრაინაში 33 დღეა ომია. რუსმა
ოკუპანტები 24 თებერვალს შეიჭრნენ უკრაინაში, დაბომბეს და დაანგრიეს
ათობით ქალაქი, დაიღუპა ათასობით ადამიანი და ლტოლვილად იქცა 3.5
მილიონი უკრაინელი.
მასალის გამოყენების პირობები