ვრცელ მიმართვაში ამერიკის ლიდერმა ისაუბრა პუტინზე, რომელსაც კიდევ ერთხელ უწოდა ავტოკრატი და თქვა, რომ რუსეთის მიზანი უკრაინაში ვერ განხორციელდება.

"ეს ომი არის მძიმე კრახი რუსეთის ფედერაციისთვის. პუტინი ფიქრობდა, რომ უკრაინელები არ იბრძოლებდნენ საკუთარი სამშობლოსთვის, ამის ნაცვლად, მათ ნახეს უკრაინელების სიმამაცე და რუსეთმა მიიღო ის, რასაც არ ელოდა. დემოკრატია აღორძინდა მთელ ევროპაში და ეს არის ის, რასაც ვესწრაფვოდით მთელი ამ წლების განმავლობაში", - განაცხადა ბაიდენმა.