ახალი ამბები
მთავრობის წევრებთან გამართულ საგანგებო შეხვედრაზე, რუსეთის პრეზიდენტმა თქვა, რომ დასავლეთის ქვეყნების არალეგიტიმური გადაწყვეტილების გამო, საგადასახადო ვალდებულებები დოლარში და ევროში ვეღარ შესრულდება, ამიტომ ევროკავშირის ქვეყნებმა ნავთობისა და ბუნებრივი აირის საფასური რუბლში უნდა გადაიხადონ.
რუსეთი დასავლეთს ნავთობსა და ბუნებრივ აირს მხოლოდ რუბლში მიყიდის
17:34 / 23.03.2022
ვლადიმერ პუტინი სავალუტო გადახდის
წესს ცვლის, რაც იმას ნიშნავს, რომ რუსეთი კონკრეტული ქვეყნებისგან
საექსპორტო შემოსავალს მხოლოდ რუბლში მიიღებს.
მთავრობის წევრებთან გამართულ საგანგებო შეხვედრაზე, რუსეთის პრეზიდენტმა თქვა, რომ დასავლეთის ქვეყნების არალეგიტიმური გადაწყვეტილების გამო, საგადასახადო ვალდებულებები დოლარში და ევროში ვეღარ შესრულდება, ამიტომ ევროკავშირის ქვეყნებმა ნავთობისა და ბუნებრივი აირის საფასური რუბლში უნდა გადაიხადონ.
"დასავლეთის ზოგიერთმა
ქვეყანამ მიიღო არალეგიტიმური გადაწყვეტილებები, მათ გაყინეს რუსული
აქტივები, კოლექტიურმა დასავლეთმა ამით თავისი ვალუტები დააყენა
საფრთხის ქვეშ. ამერიკამ, ასევე ევროპამ, ამით საკუთარი დეფოლტი
გამოაცხადეს რუსეთის წინაშე. დღეს ყველამ იცის მსოფლიოში, რომ დოლარში
და ევროში ვალდებულებები, შესაძლოა არ შესრულდეს. სავსებით ნათელია,
რომ ევროკავშირსა და ამერიკაში ჩვენი საქონლის მიწოდებასა და
ანაზღაურების ევროსა და დოლარში მიღებას, აზრი არ აქვს, შესაბამისად,
ძალიან მალე, როგორც ბუნებრივ აირსა და ნავთობზე, ასევე სხვა
ექსპორტზე განაცხადი უნდა შედგეს რუბლებში. იმ ვალუტებში, რომლებმაც
საკუთარი თავის კომპრომეტირება მოახდინეს, გადახდა აღარ მოხდება.
რუსეთი, რა თქმა უნდა, გააგრძელებს ნავთობისა და ბუნებრივი აირის
მიწოდებას იმ ფასებითა და მოცულობით, რაც კონტრაქტებშია, რადგან ჩვენ
ძალზედ ვუფრთხილდებით ჩვენს რეპუტაციას და გვინდა ვიყოთ სანდო
პარტნიორები. ცვლილება შეეხება მხოლოდ სავალუტო გადახდის წესს,
რომელიც მოხდება რუბლში", - განაცხადა პუტინმა.
რუსეთის პრეზიდენტმა ეროვნულსა და
ცენტრალურ ბანკებს ცვლილებაზე მუშაობისთვის ერთკვირიანი ვადა
მისცა.
რუსეთს, უკრაინაში შეჭრის გამო,
ამერიკამ და ევროპის ქვეყნებმა მკაცრი ფინანსური სანქციები
დაუწესეს.
მასალის გამოყენების პირობები