ახალი ამბები
რუსეთ-უკრაინის საბრძოლო დანაკარგები ომის 28-ე დღეს
12:20 / 23.03.2022
უკრაინის შეიარაღებული ძალების
გენერალური შტაბის ინფორმაციით, ბოლო 24 საათის განმავლობაში
განადგურდა რუსეთის 17 საჰაერო სამიზნე.
კერძოდ, 6 თვითმფრინავი; 5 უპილოტო საფრენი აპარატი;
1 ვერტმფრენი; 5 საკრუიზო რაკეტა. უკრაინის სახმელეთო ძალებმა
მოიგერიეს მტრის 7 შეტევა და გაანადგურეს: 7 ტანკი, 2 BMP, 6
საარტილერიო სისტემა და რამდენიმე მანქანა. მოწინააღმდეგის პერსონალის
ზარალმა 100-მდე ადამიანი შეადგინა. შტაბის ინფორმაციით, ლუჰანსკსა და
დონეცკში წინსვლა შეჩერდა, რამაც ხელი შეუშალა რუს სამხედროებს ფეხის
მოკიდებაში.
შტაბის ცნობით, უკრაინულმა ჯარებმა 24 თებერვლიდან დღემდე
გაანადგურეს:
517 რუსული
ტანკი
1,578 ჯავშანტექნიკა
267 საარტილერიო
იარაღი
80 მრავალჯერადი სარაკეტო გამშვები
მოწყობილობა
47 მიწა-ჰაერი რაკეტა
101 თვითმფრინავი
124 ვერტმფრენი
35 დრონი
1008 ავტომობილი
4 გემი
1008 ავტომობილი
4 გემი
უკრაინის შეიარაღებული ძალების
გენერალურმა შტაბმა გაავრცელა ინფორმაცია, რომ 22 მარტის
მდგომარეობით, რუს სამხედროებს 15 300-იანი ცოცხალი ძალის მსხვერპლი
აქვთ. აღსანიშნავია, რომ ავღანეთში სსრკ-ს ომის ათი წლის განმავლობაში
დაღუპულთა რიცხვი იყო 15 051.
თავის მხრივ, უკრაინის დანაკარგებზე
ინფორმაციას ავრცელებს რუსეთის თავდაცვის სამინისტრო. მათი ცნობით,
ბოლო 24 საათის განმავლობაში განადგურდა უკრაინელების 2 ტანკი, 5
ქვეითი საბრძოლო მანქანა, 3 საველე არტილერია, 7 მაღალი გამავლობის
მანქანა.
რუსეთის ცნობით,
ოპერატიულ-ტაქტიკურმა და სამხედრო ავიაციამ უკრაინის 83 სამხედრო
ობიექტს დაარტყა. რუსულმა საჰაერო თავდაცვის სისტემებმა ჰაერში
ჩამოაგდეს 6 უკრაინული უპილოტო საფრენი აპარატი. საერთო ჯამში, ე.წ.
სპეცოპერაციის დაწყებიდან მოყოლებული, რუსეთის ინფორმაციით,
უკრაინულმა მხარემ დაკარგა:
236 უპილოტო საფრენი
აპარატი,
185 საზენიტო სარაკეტო
სისტემა,
1547 ტანკი და სხვა
ჯავშანტექნიკა,
154 მრავალჯერადი სარაკეტო
სადგური,
612 საველე საარტილერიო იარაღი და
ნაღმტყორცნები 1343 ერთეული.
უკრაინაში ომის 28-ე დღეა. რუსი
აგრესორები სუვერენული უკრაინის ტერიტორიაზე 24 თებერვალს
შეიჭრნენ.
მასალის გამოყენების პირობები