ახალი ამბები
„რუსეთს სურს იცხოვროს ომში“ - მიხაილო პოდოლიაკი
16:45 / 22.03.2022
"ეს ომი არის არაადამიანობის
წინააღდეგ", - ამბობს უკრაინის პრეზიდენტის ადმინისტრაციის უფროსის
მრჩეველი მიხაილო პოდოლიაკი მის ერთ-ერთ ბოლო
მიმართვაში.
ის აღნიშნავს, რომ სახელმწიფო,
რომელიც ასეთ ომს იწყებს, ვერ იარსებებს 21-ე საუკუნეში.
"სამწუხაროდ, მსოფლიომ
ბოლომდე ვერ გაიგო, რომ ეს ომი არ არის ტერიტორიისთვის, არა
ვაჭრობისთვის, არც ნავთობის ემბარგოსთვის. ომი არის ბარბაროსობის,
ხოცვა-ჟლეტის, არაადამიანურობის წინააღმდეგ, ყველაფერი იმ ამაზრზენის
წინააღმდეგ, საითკენაც ითრევს რუსეთის ფედერაცია. ეს არის სახელმწიფო,
რომელიც ვერ იარსებებს 21-ე საუკუნეში, რადგან ის არ თამაშობს წესებით
და არ სურს მშვიდად ცხოვრება. მას სურს იცხოვროს ომში, მაგრამ ჩვენ
გავიმარჯვებთ", - განაცხადა მიხაილო
პოდოლიაკმა.
უკრაინაში 27 დღეა ომია. რუსი
ოკუპანტები სუვერენული უკრაინის ტერიტორიაზე 24 თებერვალს შეიჭრნენ.
იბომბება ქალაქები და დასახლებული პუნქტები. იღუპება ასობით
მშვიდობიანი მოქალაქე.
მასალის გამოყენების პირობები