ახალი ამბები
იმერეთის, რაჭა-ლეჩხუმისა და ქვემო სვანეთის დეპარტამენტი იყოფა
17:14 / 17.03.2022
იმერეთისა, რაჭა ლეჩხუმისა და ქვემო
სვანეთის სამხარეო დეპარტამენტი იყოფა.
შინაგან საქმეთა მინისტრის ვახტანგ გომელაურის თქმით,
იმერეთის დეპარტამენტი ცალკე იქნება, რაჭა-ლეჩხუმი და ქვემო სვანეთი
კი ერთად.
"რეფორმის ფარგლებში
იგეგმება რაჭა-ლეჩხუმ - ქვემო სვანეთის პოლიციის დეპარტამენტის
შექმნა, რომელიც 2005 წელს გაუქმდა. მოგეხსენებათ, ბოლო პერიოდში
რეგიონში ინფრასტრუქტურული პროექტების განვითარების პარალელურად,
გაიზარდა ტურისტული ნაკადები, შესაბამისად, საჭირო გახდა
დეპარტამენტის ცალკე გამოყოფა", - განაცხადა ვახტანგ
გომელაურმა.
რაჭა-ლეჩხუმ-ქვემო სვანეთის
პოლიციის დეპარტამენტი იმერეთის პოლიციის დეპარტამენტთან ერთად
ფუნქციონირებს.
დეპარტამენტის გაყოფაზე გომელაურმა
,,მინისტრის საათის'' ფორმატში პარლამენტში გამოსვლის დროს განაცხადა.
მინისტრმა ასევე ისაუბრა სახელმწიფო საზღვრის დაცულობასთან
დაკავშირებით და რუსეთ-უკრაინის ომის ფონზე, საქართველოში რუსეთის
მოქალაქეების შემოსვლაზე. გომელაურმა თქვა, რომ საზღვარზე კონტროლი
გამკაცრებულია და ყველაფერი კეთდება ქვეყანაში უსაფრთხოების
დასაცავად
მასალის გამოყენების პირობები