ახალი ამბები
მისი თქმით, ამერიკა აღარ იყიდის რუსეთისგან ზღვის პროდუქტებს, რუსულ არაყს და ბრილიანტებს. ბაიდენი ასევე აანონსებს იმ რუსი ოლიგარქების სიის გაზრდას, რომლებსაც ქონება ჩამოერთმევათ.
ამერიკა რუსეთიდან არყის იმპორტსაც კრძალავს
20:01 / 11.03.2022
ამერიკის შეერთებული შტატების
პრეზიდენტმა ჯო ბაიდენმა, რუსეთისთვის ახალი სანქციების დაწესებაზე
ისაუბრა.
მისი თქმით, ამერიკა აღარ იყიდის რუსეთისგან ზღვის პროდუქტებს, რუსულ არაყს და ბრილიანტებს. ბაიდენი ასევე აანონსებს იმ რუსი ოლიგარქების სიის გაზრდას, რომლებსაც ქონება ჩამოერთმევათ.
"ჩვენ ვმუშაობთ ისეთი
საქონლის იმპორტის აკრძალვაზე, როგორიც არის მაგალითად, ზღვის
პროდუქტები, არაყი და ბრილიანტები. პუტინი არის აგრესორი და მან
უნდა გადაიხადოს აგრესიის ფასი. არ შეიძლება პუტინი აგრძელებდეს ომს,
რომელიც არყევს მსოფლიოს სტაბილურობისა და უსაფრთხოების საფუძვლებს.
ოლიგარქების სიას დაემატა ახალი სახელები. ჩვენ მათ სუპერ იახტებს და
ვილებს დავაყადაღებთ, რადგან ისინი მხარს უჭერენ პუტინს და მალავენ
ფულს ჩვენ ქვეყანაში", - განაცხადა ბაიდენმა.
ამერიკის პრეზიდენტმა მიმართვისას
ასევე ისაუბრა უკრაინისთვის სამხედრო და ჰუმანიტარულ დახმარებაზე. მან
თქვა, რომ ნატო რუსეთის წინააღმდეგ ომში ვერ ჩაერთვება, რადგან ეს
მესამე მსოფლიო ომის დაწყებას ნიშნავს, მაგრამ მსოფლიო ყველაფერს
გააკეთებს იმისთვის, რომ უკრაინას დაეხმაროს.
"ჩვენ არ ჩავერთვებით ომში
რუსეთის წინააღმდეგ, კონფრონტაცია რუსეთსა და ნატოს შორის ნიშნავს
მესამე ომს, მაგრამ პუტინის ომი არ დასრულდება გამარჯვებით. მას უკვე
ხელი მოეცარა. მას სურდა ამერიკის დემოკრატიისთვის ძირის გამოთხრა და
ის დამარცხდა. ჩვენ ვანახებთ ჩვენ ძალას და უკან არ
დავიხევთ", - ამ სიტყვებით დაასრულა ამერიკის პრეზიდენტმა
მისი დღევანდელი მიმართვა.
გამოსვლის ბოლოს, მას შეკითხვა
დაუსვეს რუსეთის მიერ ქიმური იარაღის შესაძლო გამოყენებაზე, რაზეც მან
თქვა, რომ რუსეთი გადაიხდის მძიმე საფასურს თუ ამას
გააკეთებს.
მასალის გამოყენების პირობები