ახალი ამბები
უკრაინის ოთხ ოლქში ჰუმანიტარული დერეფნები იხსნება
14:00 / 11.03.2022
დღეს უკრაინის ქალაქებში: დონეცკში, ზაპოროჟიში,
ხარკოვსა და კიევში ჰუმანიტარული დერეფნები გაიხსნება.
ამის შესახებ უკრაინის ვიცე-პრემიერმა ირინა ვერეშუკმა თავის
ვიდეომიმართვაში განაცხადა.
"ჩვენ ჰუმანიტარული დერეფნების ახალი მარშრუტები შევიმუშავეთ,
რომლებიც საჭირო მედიკამენტებს, წყალს და პროდუქტებს ხერსონს,
ჩერნიგოვს, ხარკოვსა და სხვა ოლქებს მიაწვდის", - განაცხადა
ვერეშუკმა.
ვერუშუკის თქმით, ჰუმანიტარული დერეფნების გახსნა
აუცელებელია სხვა ქალაქებშიც.
9-10 მარტს ოკუპირებული და კრიზისული დასახლებული პუნქტებიდან 100 000
ადამიანის ევაკუაცია უკვე მოხდა.
უკრაინაში მეთექვსმეტე დღეა ომია. იბომბება ქვეყნის ათეულობით ქალაქი,
იღუპება მშვიდობიანი მოსახლეობა. 9 მარტს, რუსეთის ავიაციამ ქალაქ
მარიუპოლში საავადმყოფო და სამშობიარო დაბომბა, რა დროსაც სამი
ადამიანი გარდაიცვალა, მათგან ერთი ბავშვი. უკრაინული მხარის ცნობით,
სამხედრო ოპერაციების შედეგად დაღუპულია 500-მდე სამოქალაქო
პირი.
მასალის გამოყენების პირობები