ახალი ამბები
გენშტაბის ცნობით, ღამის განმავლობაში ქვეყნის საჰაერო თავდაცვა წარმატებით იგერიებდა რუსეთის სარაკეტო და საჰაერო დარტყმებს. ქალაქ სუმზე და მის გარეუბანზე ოკუპანტების მიერ საჰაერო თავდასხმების შედეგად დაიღუპნენ სამოქალაქო პირები, მათ შორის ბავშვები.
წუხელ, გვიან ღამით უკრაინის პრეზიდენტმა ვოლოდიმირ ზელენსკიმ სპეციალური ვიდეომიმართვა გაავრცელა. პრეზიდენტის თქმით, ის კიევში იმყოფება და არსად აპირებს წასვლას.
"ჩვენი ოფისი, ორშაბათი საღამო, დღეს ჩვენი ბრძოლის, ჩვენი დაცვის მეთორმეტე ღამეა. ყველანი ადგილზე ვართ. ყველანი ვმუშაობთ. ყველა იქ არის, სადაც საჭიროა. მე კიევში ვარ, ჩემი გუნდი ჩემთან ერთად არის. ვრჩები კიევში, არ ვიმალები და არავის მეშინია", - განაცხადა ზელენსკიმ ვიდეომიმართვაში.
7 მარტის მონაცემებით, უკრაინაში რუსეთის სრულმასშტაბიანი შეჭრის შემდეგ ქვეყანა 1,7 მილიონზე მეტმა მოქალაქემ დატოვა. 15 000 ადამიანი უკრაინაში დაბრუნდა, მათი უმეტესობა მამაკაცია.
უკრაინაში მეცამეტე დღეა ომი გრძელდება. რუსეთის მიმართ საერთაშორისო საზოგადოების მოწოდების მიუხედავად, გაიყვანოს ჯარები სუვერენული უკრაინის ტერიტორიიდან, ვლადიმერ პუტინი უკან დახევას არ აპირებს და ამბობს, რომ "სამხედრო ოპერაცია", როგორც ის უკრაინაზე თავდასხმას უწოდებს, გეგმის მიხედვით მიმდინარეობს.
ცივილიზებული სამყაროსგან დახმარებას ითხოვს უკრაინის პრეზიდენტი ვოლოდიმირ ზელენსკი, რომელიც ევროპის ქვეყნებს მოუწოდებს ქმედითი ნაბიჯები გადადგან რუსეთის აგრესიის შესაჩერებლად და დაიცვან რუსული ავიაციის დაბომბვისგან უკრაინის ქალაქები.
გუშინ რუსეთ-უკრაინის მოლაპარაკების მესამე რაუნდი გაიმართა, თუმცა, ცეცხლის შეწყვეტის შესახებ შეთანხმება ისევ ვერ მოხერხდა.
რა ხდება უკრაინაში? - ომის მეცამეტე დღე
11:32 / 08.03.2022
უკრაინის შეიარაღებული ძალების გენერალური
შტაბის ინფორმაციით, უკრაინის ჯარისკაცები თავდაცვას აგრძელებენ
სამხრეთ, აღმოსავლეთ და ჩრდილოეთ ნაწილში.
გენშტაბის ცნობით, ღამის განმავლობაში ქვეყნის საჰაერო თავდაცვა წარმატებით იგერიებდა რუსეთის სარაკეტო და საჰაერო დარტყმებს. ქალაქ სუმზე და მის გარეუბანზე ოკუპანტების მიერ საჰაერო თავდასხმების შედეგად დაიღუპნენ სამოქალაქო პირები, მათ შორის ბავშვები.
უკრაინის თავდაცვის სამინისტროს ცნობით, უკრაინელებმა ხარკოვთან
ოკუპანტი ქვეყნის გენერალ-მაიორი ვიტალი გერასიმოვი მოკლეს.
წუხელ, გვიან ღამით უკრაინის პრეზიდენტმა ვოლოდიმირ ზელენსკიმ სპეციალური ვიდეომიმართვა გაავრცელა. პრეზიდენტის თქმით, ის კიევში იმყოფება და არსად აპირებს წასვლას.
"ჩვენი ოფისი, ორშაბათი საღამო, დღეს ჩვენი ბრძოლის, ჩვენი დაცვის მეთორმეტე ღამეა. ყველანი ადგილზე ვართ. ყველანი ვმუშაობთ. ყველა იქ არის, სადაც საჭიროა. მე კიევში ვარ, ჩემი გუნდი ჩემთან ერთად არის. ვრჩები კიევში, არ ვიმალები და არავის მეშინია", - განაცხადა ზელენსკიმ ვიდეომიმართვაში.
7 მარტის მონაცემებით, უკრაინაში რუსეთის სრულმასშტაბიანი შეჭრის შემდეგ ქვეყანა 1,7 მილიონზე მეტმა მოქალაქემ დატოვა. 15 000 ადამიანი უკრაინაში დაბრუნდა, მათი უმეტესობა მამაკაცია.
უკრაინაში მეცამეტე დღეა ომი გრძელდება. რუსეთის მიმართ საერთაშორისო საზოგადოების მოწოდების მიუხედავად, გაიყვანოს ჯარები სუვერენული უკრაინის ტერიტორიიდან, ვლადიმერ პუტინი უკან დახევას არ აპირებს და ამბობს, რომ "სამხედრო ოპერაცია", როგორც ის უკრაინაზე თავდასხმას უწოდებს, გეგმის მიხედვით მიმდინარეობს.
ცივილიზებული სამყაროსგან დახმარებას ითხოვს უკრაინის პრეზიდენტი ვოლოდიმირ ზელენსკი, რომელიც ევროპის ქვეყნებს მოუწოდებს ქმედითი ნაბიჯები გადადგან რუსეთის აგრესიის შესაჩერებლად და დაიცვან რუსული ავიაციის დაბომბვისგან უკრაინის ქალაქები.
გუშინ რუსეთ-უკრაინის მოლაპარაკების მესამე რაუნდი გაიმართა, თუმცა, ცეცხლის შეწყვეტის შესახებ შეთანხმება ისევ ვერ მოხერხდა.
მასალის გამოყენების პირობები