ახალი ამბები
საქართველო ევროკავშირში გაწევრიანების შესახებ განაცხადს დღეს წარადგენს
10:25 / 03.03.2022
საქართველოს ევროკავშირში
გაწევრიანების შესახებ განაცხადი დღეს შეაქვს.
"ქართული ოცნების" თავმჯდომარის
ირაკლი კობახიძის თქმით, განაცხადი ევროკავშირის
შესაბამის სტრუქტურებს 3 მარტს წარედგინება.
"ქართული ოცნების"
პოლიტიკურმა გუნდმა მიიღო პოლიტიკური გადაწყვეტილება, განაცხადი
ევროკავშირის წევრობის კანდიდატის სტატუსის მისაღებად, დაუყოვნებლივ
წარადგინოს. საქართველოს მთავრობა, პრემიერ-მინისტრ ირაკლი
ღარიბაშვილის ხელმძღვანელობით, დაჩქარებული წესით, უკვე ამზადებს
განაცხადს ევროკავშირის წევრობის კანდიდატის სტატუსის მისაღებად,
რომელიც ევროკავშირის სტრუქტურებს საქართველოს ხელისუფლების სახელით
ხვალ ოფიციალურად წარედგინება. მოვუწოდებთ ევროკავშირის სტრუქტურებს,
საგანგებო რეჟიმში განიხილონ ჩვენი განაცხადი და მიიღონ
გადაწყვეტილება საქართველოსთვის ევროკავშირის წევრობის კანდიდატის
სტატუსის მინიჭების შესახებ", - განაცხადა კობახიძემ
საგანგებო ბრიფინგზე.
ირაკლი კობახიძე ჯერ კიდევ 1 მარტს
აცხადებდა, რომ ამ ეტაპზე, საქართველოსთვის ევროკავშირის წევრობის
მოთხოვნა არარელევანტური იყო და ჯობდა, საქართველოს ხელისუფლებას ეს
2024 წელს, გეგმის მიხედვით გაეკეთებინა.
მასალის გამოყენების პირობები